बाँकेमा ट्रकले च्यापिएर प्रहरी जवानको मृत्यु

२०७८ फाल्गुन ९ गते, सोमबार

बाँके । बाँकेको कोहलपुर नगरपालिका–११ स्थित कोहलपुर चौराहमा आइतबार राति ट्रक पल्टिदा च्यापिएर डियुटीमा खटिएको प्रहरी कर्मचारीको मृत्यु भएको छ ।

मृत्यु हुनेमा प्रहरी चौकी खडैचा दरबन्दी भइ हाल इलाका प्रहरी कार्यालय बाँकेमा कार्यरत ३६ वर्षीया प्रहरी जवान कविता बिसि रहेकी छन् ।

शम्सेरगञ्जबाट कौशिलानगर बाँकेतर्फ जाँदै गरेको ना३ख ६४३६ नम्बरको ट्रक कोहलपुर चौराहमा मोड्ने क्रममा पल्टिदा बिसि च्यापिएकी थिइन् ।

घाइते भएकी बिसिको उपचारको क्रममा कोहलपुरस्थित नेपालगञ्ज मेडिकल कलेजमा आइतबार राति सवा १० बजे मृत्यु भएको हो ।

गएराति १० बजे भएको सवारी दुर्घटनालगतै फरार भएका ट्रक चालकको खोजी भइरहेको छ ।

63 Views

Copyrights Reserved at samriddi.com

Designed & Developed By Web House Nepal