रूसले भोलि नै युक्रेनमाथि आक्रमण गर्न सक्ने सङ्केत

२०७८ फाल्गुन ३ गते, मंगलवार

एजेन्सी । युक्रेनी राष्ट्रपति भोलोडिमिर जेलेन्स्कीले सोमबार आफ्नो फेसबुक पोस्टमा फेब्रुअरी १६ का दिन अर्थात् भोलि बुधबार रूसी आक्रमण हुन सक्ने घोषणा गरेका छन् ।

युक्रेन र रुसबीच बढ्दो तनावबीच यो घोषणा आएको हो । जेलेन्स्कीले राष्ट्रका नाममा सम्बोधन गरेको विषय फेसबुकमा पोस्ट गर्दै लेखेका छन्, ‘हामीलाई भनिएको छ कि फेब्रुअरी १६ आक्रमणको दिन हुनेछ।’

उनले युक्रेनले बुधबार एकता दिवस मनाउने बताएका छन् । यस सम्बन्धी अध्यादेशमा हस्ताक्षर भइसकेको बताइएको छ ।

रुसले युक्रेनी सीमानजिकै एक लाखभन्दा बढी सेना परिचालन गरेको छ । सेनाको उपस्थितिले अमेरिका र नाटो सहयोगीहरू बीच चिन्ता र तिक्तता बढाएको छ। तर रुसले निरन्तररूपमा आक्रमणको कुनै योजना नभएको बताउँदै आएको छ ।

युक्रेन, रुस र नाटो राष्ट्रहरूका अधिकारीहरूले यस क्षेत्रमा तनाव कम गर्ने आशाका साथ पछिल्ला दिनहरूमा कूटनीतिक छलफललाई तिव्रता दिंदै आएका छन् । तर वार्ताले कुनै सफलता भने हाँसिल गर्न सकेको छैन।

यसअघि अमेरिकी राष्ट्रपति जो बाइडेनले शनिबार रुसी राष्ट्रपति भ्लादिमिर पुटिनसँग कुरा गर्दै रुसले युक्रेनमा आक्रमण गरेमा तत्कालै यो महंगो सावित हुने चेतावनी पनि दिएका छन् । बाइडेन प्रशासनका अधिकारीहरूले युक्रेनमाथि “अब कुनै पनि दिन” आक्रमण हुन सक्ने चेतावनी दिएका छन्।

67 Views

१ भन्सार अधिकृतसहित ३ कर्मचारी र ३ जना भन्सार एजेन्ट पक्राउ: सुन तस्करी प्रकरण

के छ राष्ट्र बैंकले ल्याएको नयाँ मौद्रिक नीतिमा ? (पूर्णपाठ)

ओलीले बिगारेर छाडेको अर्थतन्त्र ट्रयाकमा आउँदैछ : अर्थमन्त्री महत

मौद्रिक नीति सार्वजनिक भएसँगै सेयर बजारमा उत्साह, ६३ अंकले बढ्यो

वैदेशिक रोजगारका लागि श्रम स्वीकृति लिने संख्या अहिले सम्मकै उच्च

नेप्से परिसूचकमा उच्च गिरावट

प्रधानमन्त्री प्रचण्डको राजीनामा माग्दै संसद अवरुद्ध

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?