सुदूरपश्चिममा राष्ट्रियसभा निर्वाचनको मतदान कार्य सकियो

२०७८ माघ १२ गते, बुधबार

कैलाली । सुदूरपश्चिममा राष्ट्रियसभा निर्वाचनको मतदान कार्य सकिएको छ । बुधबार सुदूरपश्चिममा रिक्त रहेका राष्ट्रियसभाका तीन सिटका लागि मतदान भएको हो ।धनगढीस्थित प्रदेशसभाको परिसरमा बिहान ९ बजेदेखि शुरू भएको मतदान सकिएको निर्वाचन अधिकृतको कार्यालयले जनाएको छ ।सहायक निर्वाचन अधिकृत प्रेमराज भट्टले प्रेदेशसभा तर्फ कुल ५२ मध्ये पूरै र स्थानीय तहतर्फ पनि १ सय ७५ मत खसेको जानकारी दिनु भयो ।

उहाँका अनुसार अहिले मुचुल्का उठाउने काम भइरहेको छ भने मतगणना पनि आजै शुरू गर्ने तयारी रहेको छ । मतगणना पनि प्रेदेशसभा परिसर भित्रै हुने सहायक निर्वाचन अधिकृत प्रेमराज भट्टले जानकारी दिनु भएको हो ।

तीन जना राष्ट्रियसभा सदस्यका लागि सत्तारूढ गठबन्धन र नेकपा एमाले चुनावी प्रतिस्पर्धामा रहेका छन् । गठबन्धनका तर्फबाट खुल्लामा काँग्रेसका नारायणदत्त मिश्र, दलितमा माओवादी केन्द्रका जगत पार्की र एकीकृत समाजवादीकी मदनकुमारी शाह गरिमा उम्मेदवार छन् भने एमालेबाट खुल्लामा डिल्लीराज भट्ट, दलितमा नरेश बिक र महिलामा सन्तोशकुमारी शर्मा थापा उम्मेदवार रहेको सहायक निर्वाचन अधिकृत प्रेमराज भट्टले बताउनु भएको छ ।

61 Views

१ भन्सार अधिकृतसहित ३ कर्मचारी र ३ जना भन्सार एजेन्ट पक्राउ: सुन तस्करी प्रकरण

के छ राष्ट्र बैंकले ल्याएको नयाँ मौद्रिक नीतिमा ? (पूर्णपाठ)

ओलीले बिगारेर छाडेको अर्थतन्त्र ट्रयाकमा आउँदैछ : अर्थमन्त्री महत

मौद्रिक नीति सार्वजनिक भएसँगै सेयर बजारमा उत्साह, ६३ अंकले बढ्यो

वैदेशिक रोजगारका लागि श्रम स्वीकृति लिने संख्या अहिले सम्मकै उच्च

नेप्से परिसूचकमा उच्च गिरावट

प्रधानमन्त्री प्रचण्डको राजीनामा माग्दै संसद अवरुद्ध

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?