रसुवा भन्सारद्वारा ६ महिनामा आयातबाट मात्र दोब्बर बढी राजश्व असुली, निर्यातबाट भने शून्य

२०७८ माघ ११ गते, मंगलवार

काठमाडौं । रसुवा भन्सार कार्यालय टिमुरेबाट साढें ४ अर्ब बराबर राजस्व संकलन भएको छ ।

चालु आर्थिक वर्षको ६ महिना अर्थात् पुस मसान्तसम्म रसुवागढी नाकाबाट भएको आयातबाट ४ अर्ब ३३ करोड रुपैयाँ राजश्व संकलन भएको जनाइएको छ । यहाँबाट निर्यात भने शून्य रहेको छ ।

भन्सार कार्यालयका अनुसार ६ महिनाको अवधिमा ४ अर्ब ३३ करोड ४५ लाख संकलन भएको छ ।

कोभिड महामारी सुरूभएसँगै चिनियाँ पक्षले दैनिक ९ वटा कन्टेनरमार्फत रसुवागढीको मितेरी पुल छेउमा सामान पुर्‍याउने गरेको छ ।

व्यापारी, व्यवसायी र निजी कम्पनीमार्फत आयात गरिएका सामग्रीमा लाग्ने शुल्कवापतको राजस्व असुली भएको हो । चीनतर्फ जाने निर्यात भने शून्य छ ।

दुई आर्थिक वर्षको राजस्व असुली तुलनात्मकरुपमा हेर्दा यस वर्ष झण्डै साढे दुई गुणाले बढेको छ । गत वर्षको यस अवधिमा १ अर्ब ७२ करोड बराबरमात्र असुली भएको थियो ।

साना–ठूला सबै प्रकारका सवारी साधन, निर्माणाधिन हाइड्रोपावरका उपकरण, स्याउ, ओखर, तयारी पोशाक, जुत्ताचप्पल, बच्चाका खेलौना, रोल कपडा, विद्युतीय सामग्रीजस्ता विविध सामग्री आयात भइरहेको भन्सार कार्यालय जनाएको छ ।

102 Views

१ भन्सार अधिकृतसहित ३ कर्मचारी र ३ जना भन्सार एजेन्ट पक्राउ: सुन तस्करी प्रकरण

के छ राष्ट्र बैंकले ल्याएको नयाँ मौद्रिक नीतिमा ? (पूर्णपाठ)

ओलीले बिगारेर छाडेको अर्थतन्त्र ट्रयाकमा आउँदैछ : अर्थमन्त्री महत

मौद्रिक नीति सार्वजनिक भएसँगै सेयर बजारमा उत्साह, ६३ अंकले बढ्यो

वैदेशिक रोजगारका लागि श्रम स्वीकृति लिने संख्या अहिले सम्मकै उच्च

नेप्से परिसूचकमा उच्च गिरावट

प्रधानमन्त्री प्रचण्डको राजीनामा माग्दै संसद अवरुद्ध

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?