एमाले रुकुम पश्चिमको अध्यक्षमा नन्दराम देवकोटा निर्वाचित

२०७८ पुष २६ गते, सोमबार

रुकुम पश्चिम । नेकपा (एमाले)रुकुम पश्चिमको अध्यक्षमा नन्दराम देवकोटा निर्वाचित भएका छन्। आइतबार अबेर बन्दसत्रका अध्यक्ष मण्डलले देवकोटालको अध्यक्षतामा पदाधिकारीको नाम घोषणा गरेको हो।

उपाध्यक्षमा मनवीर घर्ती, सचिवमा शशीराम परियार, उपसचिवमा गणेश सुनार र रचना मल्ल घोषणा गरिएको छ। जिल्ला कमिटीका सदस्यहरूको नाम भने घोषणा गरिएको छैन।

सर्वसम्मत नेतृत्व चयन हुन नसकेपछि निर्वाचन प्रक्रिया अघि बढाइएको थियो। अध्यक्षमा देवकोटासँगै नारायणकुमार शाह, टंकप्रसाद ओलीले दाबी गरेका थिए। सुरुमा अध्यक्ष मण्डलले देवकोटालाई अध्यक्ष, शाहलाई उपाध्यक्ष र ओलीलाई सचिवमा प्रस्ताव गरेको थियो। शाह र ओली असहमत भएपछि अध्यक्ष मण्डलका तर्फबाट केन्द्रीय सदस्य तीर्था गौतमले देवकोटाको अध्यक्षतामा नयाँ पदाधिकारी घोषणा गरेकी थिइन्। शाह र ओलीले मतदान हुनुपर्ने माग गर्दागर्दै पनि जिल्ला कमिटीका पदाधिकारी घोषणा गरिएको हो।

देवकोटा मुसीकोट नगरपालिका–५, स्थित यमुनानन्द नमुना माविका आधारभूत तहका स्थायी शिक्षक हुन्। यद्यपि‚ उनले राजीनामा दिइसकेको बताइएको छ। यसअघि उनलाई एमालेले केन्द्रीय कमिटीमा मनोनीत गरेको थियो। उनी पछिल्लो समय कर्णाली प्रदेश कमिटी सदस्य थिए।

106 Views

१ भन्सार अधिकृतसहित ३ कर्मचारी र ३ जना भन्सार एजेन्ट पक्राउ: सुन तस्करी प्रकरण

के छ राष्ट्र बैंकले ल्याएको नयाँ मौद्रिक नीतिमा ? (पूर्णपाठ)

ओलीले बिगारेर छाडेको अर्थतन्त्र ट्रयाकमा आउँदैछ : अर्थमन्त्री महत

मौद्रिक नीति सार्वजनिक भएसँगै सेयर बजारमा उत्साह, ६३ अंकले बढ्यो

वैदेशिक रोजगारका लागि श्रम स्वीकृति लिने संख्या अहिले सम्मकै उच्च

नेप्से परिसूचकमा उच्च गिरावट

प्रधानमन्त्री प्रचण्डको राजीनामा माग्दै संसद अवरुद्ध

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?