श्रीमतीको हत्या आरोपमा पक्राउ

२०७८ पुष १९ गते, सोमबार

रुकुम पूर्व । रुकुम पश्चिमको बाँफिकोट गाउँपालिका–९ की २६ वर्षीया कमला खनालको हत्या आरोपमा उनको श्रीमान २५ वर्षीय दीपक भनिने दलजित खनाल पक्राउ परेका छन्।

जिल्ला प्रहरी कार्यालयका प्रहरी निरीक्षक डेकेन्द्र शर्माले विवाद हुँदा दीपकले शुक्रबार राति कमलाको घाँटी थिचेर हत्या गरी झुण्ड्याएको स्वीकारेको बताए।

‘दुवैजना बीच वादविवाद बढ्दै जाँदा दीपकले घाँटी थिचेर हत्या गरेको प्रारम्भिक अनुसन्धानबाट खुलेको छ‚’ प्रहरी निरीक्षक शर्माले भने‚ ‘थप अनुसन्धान पनि हुँदैछ।’

कमलाको शव आफ्नै कोठामा आफ्नै सलले झुण्डिएको अवस्थामा फेला परेको थियो। चार महिने छोरा र दीपक पनि साथै रहेका बेला भएको कमलाको मृत्यु सामान्य नभएको भन्दै प्रहरीले दीपकलाई घटना स्थलबाटै नियन्त्रणमा लिएको थियो। दीपकले नै श्रीमतीले आत्महत्या गरेको भनेर छिमेकीलाई खबर गरेका थिए।

अनुसन्धान क्रममा दीपकले घाँटी थिचेर श्रीमतीको हत्या गरेर उनकै सल प्रयोग गरेर झुण्ड्याएको खुल्न आएको प्रहरीले जनाएको छ। प्रहरीले दीपकमाथि थप अनुसन्धान गर्ने भन्दै रुकुम पश्चिम जिल्ला अदालतबाट आइतबार १० दिनको म्याद थप गरेको छ ।

106 Views

१ भन्सार अधिकृतसहित ३ कर्मचारी र ३ जना भन्सार एजेन्ट पक्राउ: सुन तस्करी प्रकरण

के छ राष्ट्र बैंकले ल्याएको नयाँ मौद्रिक नीतिमा ? (पूर्णपाठ)

ओलीले बिगारेर छाडेको अर्थतन्त्र ट्रयाकमा आउँदैछ : अर्थमन्त्री महत

मौद्रिक नीति सार्वजनिक भएसँगै सेयर बजारमा उत्साह, ६३ अंकले बढ्यो

वैदेशिक रोजगारका लागि श्रम स्वीकृति लिने संख्या अहिले सम्मकै उच्च

नेप्से परिसूचकमा उच्च गिरावट

प्रधानमन्त्री प्रचण्डको राजीनामा माग्दै संसद अवरुद्ध

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?