कर्णाली प्रदेशको बजेट ७ प्रतिशत मात्रै खर्च

२०७८ पुष १७ गते, शनिबार

काठमाडौं । कर्णाली प्रदेश सरकारले चालू आर्थिक वर्षको बजेटलाई लक्ष्यअनुसार खर्च गर्न सकेको छैन । सुस्त गतिमा रहेको बजेट खर्च चालू आर्थिक वर्षको सुरुआती पाँच महिनामा ७ प्रतिशत मात्रै पुगेको छ ।

सरकारले चालु आर्थिक वर्ष २०७८/०७९ का लागि ३६ अर्ब ५३ करोड ३५ लाख ५५ लाखको बजेट ल्याएको थियो । तर, पाँच महिना भन्दा बढी समय बितिसक्दा पनि कुल २ अर्ब ७१ करोड ६९ लाख ५३ हजार ९३४ रुपैयाँ मात्रै खर्च गरेको छ । यो कुल बजेटको जम्मा सात दशमलव ४४ प्रतिशत मात्रै हो ।

प्रदेश सरकारले चालुतर्फको बजेटमा भने ११ दशमलव ३८ प्रतिशत खर्च गरेको छ । चालुतर्फ १४ अर्ब ८८ करोड १६ लाख बजेट मध्ये सरकारले एक अर्ब ६९ करोड ३६ लाख ५८ हजार १५६ रुपैयाँ खर्च गरेको छ । पुँजीगततर्फको बजेट भने जम्मा ४ दशमलव ७३ प्रतिशत मात्रै खर्च भएको छ ।

सरकारले पुँजीगततर्फ २१ अर्ब ६५ करोड ३९ लाख १३ हजार बजेट विनियोजन गरेकोमा १ अर्ब २ करोड ३२ लाख ७५ हजार ७७९ रुपैंया खर्च गरेको प्रदेश लेखा नियन्त्रकको कार्यालयले जनाएको छ ।

हिमाली जिल्लामा यसपछिको समय बजेट खर्च गर्न कठिन हुने भएका कारण चालू आर्थिक वर्षमा पनि प्रदेश सरकारले अपेक्षाकृत विकास खर्च बढाउन नसक्ने देखिएको छ ।

70 Views

१ भन्सार अधिकृतसहित ३ कर्मचारी र ३ जना भन्सार एजेन्ट पक्राउ: सुन तस्करी प्रकरण

के छ राष्ट्र बैंकले ल्याएको नयाँ मौद्रिक नीतिमा ? (पूर्णपाठ)

ओलीले बिगारेर छाडेको अर्थतन्त्र ट्रयाकमा आउँदैछ : अर्थमन्त्री महत

मौद्रिक नीति सार्वजनिक भएसँगै सेयर बजारमा उत्साह, ६३ अंकले बढ्यो

वैदेशिक रोजगारका लागि श्रम स्वीकृति लिने संख्या अहिले सम्मकै उच्च

नेप्से परिसूचकमा उच्च गिरावट

प्रधानमन्त्री प्रचण्डको राजीनामा माग्दै संसद अवरुद्ध

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?