एमबीबीएसको अभ्यास, इर्न्टनसीप पूरा गर्न मन्त्रिपरिषद्को सैद्धान्तिक स्वीकृति

२०७८ पुष १६ गते, शुक्रबार

काठमाडौं । सरकारले चिकित्सा शिक्षा अध्ययन गर्न गएर बीचमै नेपाल फर्किएका विद्यार्थीलाई नेपालमै बाँकी अध्ययन पूरा गर्न दिने भएको छ ।

बुधबार बसेको मन्त्रिपरिषद् बैठकले चिकित्सा शिक्षाको स्नातक तहमा चीन लगायतका विभिन्न देशमा भर्ना भएका विद्यार्थीलाई बाँकी रहेको अध्ययन, प्रयोगात्मक अभ्यास, इर्न्टनसीप पूरा गर्न सैद्धान्तिक स्वीकृति दिने निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिनुभयो ।

कोभिड–१९ महामारीका कारण चीन लगायत विश्वका विभिन्न देश गएका विद्यार्थीहरू आफ्नो पढाइ बीचमै छाडेर नेपाल फर्किएका थिए । कतिपयले भने अनलाइनमार्फत पढाइ पूरा गरेका थिए । अनलाइनबाट पढाइ पूरा गरेका विद्यार्थीले प्रयोगात्मक अभ्यास, इर्न्टनसीप पूरा गर्न नपाएको भन्दै आन्दोलन गरिरहेका छन् ।

शिक्षा, विज्ञान तथा प्रविधिमन्त्री देवेन्द्र पौडेलको प्रस्तावमा समस्या समाधानका लागि बुधबारको मन्त्रिपरिषद्मा यो विषय प्रस्तावको रुपमा लगिएको थियो । मन्त्रिपरिषद्को स्वीकृतिसँगै नेपाल मेडिकल काउन्सिलले अब विद्यार्थीहरूलाई प्रयोगात्मक अभ्यास र इर्न्टसीप पूरा गर्न पाउने बाटो खुलेको छ ।

70 Views

१ भन्सार अधिकृतसहित ३ कर्मचारी र ३ जना भन्सार एजेन्ट पक्राउ: सुन तस्करी प्रकरण

के छ राष्ट्र बैंकले ल्याएको नयाँ मौद्रिक नीतिमा ? (पूर्णपाठ)

ओलीले बिगारेर छाडेको अर्थतन्त्र ट्रयाकमा आउँदैछ : अर्थमन्त्री महत

मौद्रिक नीति सार्वजनिक भएसँगै सेयर बजारमा उत्साह, ६३ अंकले बढ्यो

वैदेशिक रोजगारका लागि श्रम स्वीकृति लिने संख्या अहिले सम्मकै उच्च

नेप्से परिसूचकमा उच्च गिरावट

प्रधानमन्त्री प्रचण्डको राजीनामा माग्दै संसद अवरुद्ध

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?